Avrokubokların 2019/20 mövsümünün qrup mərhələsinin tamaşaçı sayı açıqlanıb.

Apasport.az saytının məlumatına görə, Çempionlar Liqası və Avropa Liqasında ümumilikdə baş tutan 240 oyunu 7 milyon 367 min 537 azarkeş stadiondan izləyib.

Qrup mərhələsində orta tamaşaçı sayı 30 min 698-ə bərabər olub.

Çempionlar Liqasında 96 matçı 3 milyon 157 min 747, Avropa Liqasının 144 görüşünü 4 milyon 209 min 790 nəfər seyr edib. Orta göstərici müvafiq olaraq, 32 min 893 və 29 min 234 təşkil edib.

Azərbaycan çempionu “Qarabağ”ın Avropa Liqasındakı üç ev qarşılaşmasını üst-üstə 67 min 473 nəfər arenadan izləyib. Orta göstərici 22 min 491-ə bərabərdir. Bu rəqəmin belə aşağı olması “Düdelanj”la son turun görüşünün formal xarakter daşıması üzündən az qala boş tribunalar önündə keçirilməsidir.

“Qarabağ” Avropa Liqasında çıxış edən 48 komanda arasında 19-cu olub. “Bazel”, “Beşiktaş”, “Latsio” kimi klublar Ağdam təmsilçisindən geri qalıb. Bu turnirin ən çox tamaşaçı toplayan komandası “Mançester Yunayted”dir – 179 min 511. 

Ümumilikdə, qrup mərhələsinin 80 iştirakçısı arasında “Qarabağ” 49-cudur. 239 min 235 tamaşaçı yığan “Barselona” təmsilçimizdən 3 dəfədən çox üstündür.
 

• “Qalatasaray” 30 milyon avroluq transferi niyə baş tutmayıb?
• “Göztəpə”dən gürcüstanlı qapıçısı ilə bağlı qərar - komandadan ayrı məşq edəcək
• Messi İspaniyada ikinci klubunu almağa hazırlaşır
• “Fənərbaxça” 2 ulduzundan məhrum olacaq – “Roma” ilə oyunu buraxacaqlar
• "Komo"dan nümunəvi addım: Xərçəng diaqnozu qoyulan futbolçusu ilə müqaviləni uzatdı