Azərbaycan çempionatları tarixində 500-cü dəfə qolsuz oyuna təsadüf olunub.

Apasport.az saytının məlumatına görə, bu, Premyer Liqanın XIX turuna təsadüf edib.

“Qəbələ” – “Zirə” görüşündə qapılara qol vurulmayıb. 1992-ci ildən keçirilən ölkə çempionatlarında bunadək 499 belə matç baş tutmuşdu. Qəbələdəki görüş 0:0 hesabı ilə nəticələnən 500-cü qarşılaşma olub.

Ən çox qolsuz sülh “Qarabağ”ın hesabındadır – 101 dəfə. Daha 5 komanda 50-dən çox oyunu qolsuz başa vurub:  “Neftçi” 89, “Keşlə” 70, “Bakı” 62, “Şüvəlan” 54, “Turan” 52. Ümumiyyətlə, 54 komandanın görüşündə belə nəticə qeydə alınıb.

Ölkə çempionatları tarixində qol vurulmayan ilk matç 1992-ci il mayın 3-də baş tutub. “Tərəqqi” və “Kürmük” arasında görüşdə bu hesab qeydə alınıb.

• Dadaşov oynamadı, komandası növbəti tura yüksəldi
• “Mançester Yunayted” yeni baş məşqçi ilə anlaşıb
• “Qızıl top”un sahibi: "Bir gün vətənə qayıdıb, orada yenidən oynaya biləcəm"
• Mario Balotelli İtaliya klubunda - Rəsmi
• Rodri Ronaldodan sonra ikinci oldu