17 yaşadək futbolçulardan ibarət Azərbaycan millisi AVRO-2020-nin ilkin seçmə mərhələsini adlaya bilməyib.
Apasport.az-ın məlumatına görə, buna IX qrupun II turunun ikinci oyununun nəticəsi səbəb olub.
Yunanıstan yığması Qazaxıstanı 5:1 hesabı ilə məğlub edib. Bununla da ilk iki turdan sonra hərəyə 6 xal toplayan Almaniya və Yunanıstan elit-raunda vəsiqəni təmin ediblər.
İlk turda Ellada təmsilçisinə 1:6, bu gün Almaniyaya 0:2 hesabı ilə uduzan Vüqar Məmmədin baş məşqçisi olduğu yığma son matçında Qazaxıstanla görüşəcək. Xalsız komandaların 3-cü yer uğrunda matçı formal xarakter daşıyacaq.
Düzdür, 13 qrupun ilk iki komandası ilə yanaşı, ən yaxşı nəticəyə malik dörd 3-cü yer sahibi də elit-raunda vəsiqə əldə edir. Lakin bu müqayisə zamanı ilk iki pillədəki komandalarla görüşlərin nəticələri nəzərə alınır.
Azərbaycan millisi isə qrupun iki lideri ilə görüşlərdə xal toplamayıb. Top fərqi isə “-7”dir. Bu isə ən yaxşı 4 komanda sırasında düşməyəcəyini rəsmiləşdirib. Çünki ən azı 4 yığma – 3 xal qazanan Rumıniya, 1 xal toplayan Belarus, həmçinin top fərqi daha yaxşı olan Sloveniya və Şimali Makedoniya yığmamızı üstələyir.
|
1 |
Yunanıstan |
2 |
2 |
0 |
0 |
11-2 |
6 |
|
2 |
Almaniya |
2 |
2 |
0 |
0 |
7-0 |
6 |
|
3 |
Azərbaycan |
2 |
0 |
0 |
2 |
1-8 |
0 |
|
4 |
Qazaxıstan |
2 |
0 |
0 |
1 |
1-10 |
0 |
Oxşar xəbərlər
Ana səhifə
Bütün xəbərlər