2021-ci ildə milli liqalarda ən çox qol vuran futbolçuların siyahısı açıqlanıb.

Apasport.az saytının məlumatına görə, Beynəlxalq Futbol Tarixi və Statistikaları Federasiyası (İFFHS) ilin ilk 6 ayında 14 və daha çox qol vuranların cədvəlini tərtib edib.

Siyahıda ümumilikdə 49 futbolçu yer alıb. Planetin ən məhsuldar oyunçusu Ceymi Maklarendir. “Melburn Siti”də oynayan avstraliyalı bu il 25 qol vurub.

İkinci sırada Robert Levandovski qərarlaşıb. “Bavariya”nın polşalı forvardı 24 dəfə fərqlənib.

Üç futbolçunun aktivində 23 top var. Bunlar Lionel Messi (“Barselona”), İqnasio Ramires (“Liverpul Montevideo”) və Zakari Hacidir (“Fola”).

Azərbaycan Premyer Liqasında çıxış edən futbolçulardan heç biri siyahıya düşməyib. Türkiyə Super Liqası isə cədvəldə iki futbolçu ilə təmsil olunub.

Bunlar hərəyə 15 qol vuran Aron Bupendza və Mame Diufdur. “Hatayspor”un legionerləri 22-ci yerə şərikdir.
 

• Dadaşov oynamadı, komandası növbəti tura yüksəldi
• “Mançester Yunayted” yeni baş məşqçi ilə anlaşıb
• “Qızıl top”un sahibi: "Bir gün vətənə qayıdıb, orada yenidən oynaya biləcəm"
• Mario Balotelli İtaliya klubunda - Rəsmi
• Rodri Ronaldodan sonra ikinci oldu