Bakı Olimpiya Stadionunda Daun Sindromlu Şəxslərin Reabilitasiya Mərkəzindən, Nizami rayonunda yerləşən 1 saylı uşaq evindən və “Ümid Yeri” uşaq sığınacağından dəvət olunanlarla görüş keçirilib.

Apasport.az saytının məlumatına görə, AFFA-nın təşkilatçılığı ilə baş tutan tədbirdə 110 uşaq qatılıb.

Assosiasiya tərəfindən ayrılmış avtobusla stadiona gələn uşaqları arenada qurumun baş katibinin müavini Sərxan Hacıyev və müxtəlif yığmalarımızın üzvləri qarşılayıblar. S.Hacıyev qarşıdan gələn 31 dekabr – Dünya Azərbaycanlılarının Həmrəyliyi Günü və Yeni il münasibəti ilə bağlı təbrikini çatdırdıqdan sonra uşaqlar millilərimizin üzvləri ilə meydana çıxıblar. 

Bakı Olimpiya Stadionunun əsas meydanında topla oynadıqdan sonra onlar üçün təşkil olunmuş əyləncəli proqrama qatılan iştirakçılara hədiyyələr təqdim edilib. 
 

• “Qalatasaray” 30 milyon avroluq transferi niyə baş tutmayıb?
• “Göztəpə”dən gürcüstanlı qapıçısı ilə bağlı qərar - komandadan ayrı məşq edəcək
• Messi İspaniyada ikinci klubunu almağa hazırlaşır
• “Fənərbaxça” 2 ulduzundan məhrum olacaq – “Roma” ilə oyunu buraxacaqlar
• "Komo"dan nümunəvi addım: Xərçəng diaqnozu qoyulan futbolçusu ilə müqaviləni uzatdı