Azərbaycan milli komandasının futbolçusu Emil Balayevin şərəfini qoruduğu Qazaxıstanın “Tobol” klubu təlim-məşq toplanışı üçün Birləşmiş Ərəb Əmirliklərinə yollanıb.

Apasport.az saytının məlumatına görə, baş məşqçi postuna erməni Qriqori Babayanın gəlməsi üzündən Kostanay təmsilçisindən ayrılacağı gözlənilən qolkiper komandası ilə Dubaya gedib.

Bunu klubun direktoru Nikolay Panin açıqlayıb. O bildirib ki, E.Balayev “Tobol”la birlikdə Asiya ölkəsinə yollansa da, düşərgəni erkən tərk edəcək: “Emil Balayev də Dubaya gəlib. Amma sabah Türkiyədə planlı reabilitasiyası nəzərdə tutulub. Toplanışın bir hissəsini orada keçirəcək qapıçı fərqi proqramla çalışacaq”.
 

• “Qalatasaray” 30 milyon avroluq transferi niyə baş tutmayıb?
• “Göztəpə”dən gürcüstanlı qapıçısı ilə bağlı qərar - komandadan ayrı məşq edəcək
• Messi İspaniyada ikinci klubunu almağa hazırlaşır
• “Fənərbaxça” 2 ulduzundan məhrum olacaq – “Roma” ilə oyunu buraxacaqlar
• "Komo"dan nümunəvi addım: Xərçəng diaqnozu qoyulan futbolçusu ilə müqaviləni uzatdı