"Espanyol" baş məşqçisi Abelardo Fernandeslə yollarını ayırıb.

Apasport.az saytının məlumatına görə, Kataloniya klubu uğursuz çıxışa görə, çalışdırıcının müqaviləsinə xitam verib.

Bununla Fernandes cari mövsüm "Espanyol"dan qovulan 3-cü baş məşqçi olub. Komanda mövsümə David Qaleqonun rəhbərliyi altında başlayıb, oktyabrda onu Pablo Maçin əvəz edib. Ötən ilin sonunda isə Maçin yola salınıb.

"Espanyol" Abelardo Fernandeslə yanaşı, məşqçilər korpusundakı digər mütəxəssislərlə də vidalaşıb. Baş məşqçi postu müvəqqəti olaraq idman direktoru Rufeteyə tapşırılıb. La Liqanın XXXII turunda kataloniyalıları sabah "Real"la matçda meydana məhz Rufete çıxaracaq.

Qeyd edək ki, "Espanyol" hazırda 24 xalla turnir cədvəlinin son pilləsində qərarlaşır.

• İlin ən yaxşı məşqçisi seçilib - Qvardiola 3-cü olub
• Joze Mourinyo hakimlik haqda: ”Belə bir şey görməmişəm”
• Arda Turan "Beşiktaş"a keçidi ilə bağlı: “Həmişə Qalatasaray”lı olduğumu söyləmişəm”
• Duşan Tadiç: "Kişi kimi məsuliyyəti boynumuza götürməliyik"
• “Ankaragücü” baş məşqçisi ilə yollarını ayırıb