“Bavariya”nın əfsanəvi futbolçusu Frank Riberinin yeni klubu müəyyənləşib.

Apasport.az saytının məlumatına görə, fransalı yarımmüdafiəçi karyerasını “Salernitana”da davam etdirəcək.

Ötən mövsümü “Fiorentina”da keçirən 38 yaşlı hücumameyilli oyunçu A seriyasının debütantı ilə anlaşıb. Riberi tibbi müayinədən keçmək və münasibətləri rəsmiləşdirmək üçün Salernoya yollanıb. İtaliya klubu ilə 1 illik müqavilə imzalayacaq veteran futbolçunun maaşı 1,5 milyon avro təşkil edəcək.

Qeyd edək ki, Frank Riberi ötən mövsüm “Fiorentina”nın heyətində 29 oyunda 2 qol vurub, 6 məhsuldar ötürmə verib.
 

• “Fənər”də ayrılıq - Dieqo Karlos İtaliya klubunda
• Bir dövrün sonu - MESSİ MİLLİDƏKİ KARYERASINI BAŞA VURDU
• “Əl-Hilal” Benzema ilə bağlı qərarını verib - RƏSMİ
• Bredli Barkola rəsmən ”Liverpul”da
• Super Liqada mövsümün ilk məşqçi ayrılığı – Mirel Redoyla yollar ayrıldı