DÇ-2022-nin seçmə mərhələsinin KONMEBOL zonasında növbəti oyunlar keçirilib.

Apasport.az saytının məlumatına görə, Cənubi Amerika yığmaları XVII tura start verib.

Baş tutan 4 qarşılaşmadan sonra Ekvadorla Uruqvay Qətərdəki mundiala vəsiqə qazanıb. Uruqvaylılar Peru üzərində qələbə ilə bu hüquqa yiyələnib. Ekvador Paraqvaya uduzsa da, izləyicilərinin xal itkisindən yararlanıb.

Braziliya Çilini 4 cavabsız qolla darmadağın edib. Kolumbiya isə Boliviya üzərində böyükhesablı qələbə qazanıb.

Bununla da Cənubi Amerikadan vəsiqə qazanan komandaların sayı 4-ə çatıb. Pley-offa yollanacaq 5-ci yerin sahibi isə son turda bəlli olacaq.

Qeyd edək ki, tura bu gün baş tutacaq Argentina – Venesuela matçı ilə yekun vurulacaq.

DÇ-2022 seçmə mərhələsi
KONMEBOL zonası
XVII tur, 24 mart
Uruqvay – Peru – 1:0
De Arraskaeta, 42
Kolumbiya – Boliviya – 3:0
Dias, 39, Borxa, 72, Uribe  90
Braziliya – Çili – 4:0
Neymar, 44 (pen.), Vinisius, 45+1, Koutinyo, 72 (pen.), Rişarlison, 90+1
Paraqvay – Ekvador – 3:1
Morales, 10, Hinçapie, 45+6 (avtoqol), Almiron, 54

• Dadaşov oynamadı, komandası növbəti tura yüksəldi
• “Mançester Yunayted” yeni baş məşqçi ilə anlaşıb
• “Qızıl top”un sahibi: "Bir gün vətənə qayıdıb, orada yenidən oynaya biləcəm"
• Mario Balotelli İtaliya klubunda - Rəsmi
• Rodri Ronaldodan sonra ikinci oldu