Azərbaycan millisinin qapıçısı Emil Balayev daha iki təklif alıb.

Apasport.az saytının məlumatına görə, “Tobol”un qolkiperinə Belçikadan iki müştəri çıxıb.

“Tobol”da qalıb-qalmamasında qeyri-müəyyənlik yaranan 26 yaşlı Balayev Belçikanın elita təmsilçilərinin maraq dairəsinə düşüb. Onlardan biri “Eupen”dir. Adıçəkilən klub rəhbərliyi yığmamızın üzvünü bu qış heyətinə qatmaq istəyir. Emillə maraqlanan digər komandanın adı isə hələlik gizli saxlanılır.

Balayev başqa təklifləri də olduğundan, seçim etməyə tələsmir. Ancaq yaxın günlərdə onun karyerasını “Tobol”da, yoxsa başqa klubda davam etdirəcəyi dəqiqləşəcək.

Qeyd edək ki, Emil Balayevin "Tobol"la müqavilə müddəti bu ilin yayına qədərdir.

• “Qalatasaray” 30 milyon avroluq transferi niyə baş tutmayıb?
• “Göztəpə”dən gürcüstanlı qapıçısı ilə bağlı qərar - komandadan ayrı məşq edəcək
• Messi İspaniyada ikinci klubunu almağa hazırlaşır
• “Fənərbaxça” 2 ulduzundan məhrum olacaq – “Roma” ilə oyunu buraxacaqlar
• "Komo"dan nümunəvi addım: Xərçəng diaqnozu qoyulan futbolçusu ilə müqaviləni uzatdı