Avropa Liqasının pley-off mərhələsinin “Legiya” – “Qarabağ” oyununu idarə edəcək almaniyalı baş hakim Tobias Stieler karyerasında ikinci dəfə Azərbaycan çempionunun matçında fit çalacaq.

Apasport.az saytının məlumatına görə, 39 yaşlı referi 3 il əvvəl baş tutan “Roma” – “Qarabağ” qarşılaşmasının hakimi olub.

2017/18 mövsümündə Çempionlar Liqasının İtaliyada keçirilən qrup oyununda meydan sahibləri 1:0 hesabı ilə qalib gəlib. Almaniyalı ev sahiblərinə 1, ağdamlılara 4 sarı vərəqə verib.

2017-ci il dekabrın 5-dəki qarşılaşmada Elvin Yunuszadə, ispaniyalı Miçel, haitili Donald Gerye, polşalı Yakub Jezniçak xəbərdarlıq alıb. 

Qeyd edək ki, almaniyalı 2014-cü ildən FİFA statusu daşıyır.

• “Fənərbaxça” - “Beşiktaş” matçı bu kanalda - TV AFİŞA
• La Liqa: “Real” “Betis” səfərindən xalsız qayıdır
• PSJ-də müqavilə yağışı
• UEFA-dan “Fənərbaxça” futbolçularına cəza - “Roma”matçında iştirak edə biləcək
• “Beşiktaş”dan yeni transfer