İqtisadiyyat Nazirliyi yanında Dövlət Vergi Xidmətinin Vergi cinayətlərinin İbtidai Araşdırılması Baş İdarəsində iş adamı Məmmədov Hafiz Məcid oğlunun bilavasitə faktiki rəhbərliyi həyata keçirdiyi müəssisələr üzrə yaranmış külli miqdarda vergi və məcburi dövlət sosial sığorta haqlarının ödəməkdən yayındırılması faktları üzrə cinayət işi başlanıb.
Bu barədə İqtisadiyyat Nazirliyi yanında Dövlət Vergi Xidmətindən APA-nın sorğusuna cavab olaraq bildiriblər.
Başlanmış cinayət işi çərçivəsində Hafiz Məmmədov istintaqa gəlməkdən boyun qaçırdığından, onun barəsində ittiham elan edilməsi üçün şəxsin tutulması ilə bağlı axtarış haqqında qərar qəbul edilib.
Yasamal rayon məhkəməsinin qərarı ilə Hafiz Məmmədov barəsində həbs qətimkan tədbiri seçilib.
Cinayət işi üzrə zəruri istintaq tədbirləri davam etdirilir.
***
Saat. 09:40
Məşhur iş adamı, “Bakı” futbol klubunun keçmiş prezidenti Hafiz Məmmədovun saxlanılması barədə xəbər yayılıb.
Apasport.az xəbər verir ki, bu barədə “moderator.az”a məlumat daxil olub.
İş adamının vergi problemlərinə görə saxlanıldığı və 500 min dollar vergi borcuna görə artıq iki gündür İqtisadiyyat Nazirliyi yanında Dövlət Vergi Xidmətinin Yasamal istintaq şöbəsində çək-çevirə çəkildiyi bildirilir.
Oxşar xəbərlər
Ana səhifə
Bütün xəbərlər