Danimarkalı futbolçu Kristian Eriksen “Brentford”la müqavilə imzalamazdan əvvəl hərtərəfli müayinədən keçəcək.

Apasport.az saytının məlumatına görə, İngiltərə Futbol Assosiasiyası kardioloqun hesabatını nəzərdən keçirəcək və ondan sonra yarımmüdafiəçinin Premyer Liqa klubuna transferinə baxılacaq.

Bu, həm də 29 yaşlı pleymeykerin son durumunun nə yerdə olduğunu görməyə də kömək olacaq. Yalnız bu proseslər tamamlandıqdan sonra “Brentford”un Erikseni heyətinə qatıb-qatmayacağı dəqiqləşəcək.

Qeyd edək ki, AVRO-2020-nin Danimarka – Finlandiya matçının (0:1) birinci hissəsində Kristian Eriksenin ürəyi 15 dəqiqəyə yaxın dayanıb. Ondan bəri futbolçu yaşıl meydanlardan uzaq qalıb. “İnter”dən ayrılan Eriksen hazırda azad agentdir.

• “Liverpul”da itki: KYEZA SIRADAN ÇIXIB
• İspaniya millisinin üzvü ölkəsinə qayıdır
• "Çelsi"nin futbolçusu İspaniya klubunda
• "İnter Mayami"nin yeni baş məşqçisi müəyyənləşib
• Leao seçimini etdi - İngiltərədə çıxış edəcək