Türkiyə kubokunda 1/8 final mərhələsinin cavab oyunlarına start verilib.

Apasport.az saytının məlumatına görə, ikinci görüşlər çərçivəsində bu gün ilk 2 matç baş tutub.

Superliqa təmsilçisi "Başakşəhər" TFF 2-ci liqa təmsilçisi "Kırklarelispor" önündə şok yaşayıb. Öz meydanında rəqibi ilə 1:1 hesablı heç-heçə edən elita klubu səfərdə qolsuz bərabərliyə imza ataraq kubokla vidalaşıb. Tarixi zəfər qazanan aşağı liqa təmsilçisi bunun sevincini saatlarla yaşayıb.

Günün digər oyununda "Fənərbaxça" "Kayserispor"u qəbul edib. Kayseridə Robert Prosineçkinin yetirmələri ilə qolsuz heç-heçə edən İstanbul nəhəngi doğma arenasında qələbə qazanaraq, "Kırklarelispor" kimi, adını 1/4 finala yazdırıb.

Mərhələnin digər oyunları sabah və birigün keçiriləcək.

Türkiyə kuboku
1/8 final, cavab oyunları
21 yanvar
"Kırklarelispor" - "Başakşəhər" - 0:0
İlk oyun -  1:1

"Fənərbaxça" - "Kayserispor" - 2:0
Fərdi Kadıoğlu, 23; Mevlüt Erdinç, 45+1
İlk oyun - 0:0

• “Göztəpə”dən gürcüstanlı qapıçısı ilə bağlı qərar - komandadan ayrı məşq edəcək
• Messi İspaniyada ikinci klubunu almağa hazırlaşır
• “Fənərbaxça” 2 ulduzundan məhrum olacaq – “Roma” ilə oyunu buraxacaqlar
• "Komo"dan nümunəvi addım: Xərçəng diaqnozu qoyulan futbolçusu ilə müqaviləni uzatdı
• "Beşiktaş"dan ayrıldı, Bolqarıstanda çıxış edəcək