Bakının “Neftçi” klubunun ikinci komandasının baş məşqçisi Mahmud Qurbanov cəzalandırılıb.

Apasport.az saytının məlumatına görə, “Professor” ləqəbli çalışdırıcı I divizionun “Kəpəz”lə oyunundakı hərəkətləri üzündən cəza alıb.

O, matçın 33-cü dəqiqəsində hakimə qarşı təhqiredici ifadələr işlədib. AFFA-nın İntizam Komitəsi məsələni araşdıraraq M.Qurbanovu 5 oyun cəzalandırıb. Bu, paytaxt təmsilçisinə  400 manat cərimə bahasına başa gəlib.

Məşqçiyə verilmiş 5 oyun cəzanın 3 matçı şərti cəza kimi tətbiq ediləcək. Ona üç ay sınaq müddəti verilib. Bu müddətdə məşqçinin yenidən cəzalanacağı təqdirdə sanksiyanın növbəti hissəsi qüvvəyə minəcək.
 

• Lamin Yamal Mbappenin rekordunu qırdı – Çempionlar Liqasında tarix yazdı
• “Fənər”də ayrılıq - RƏSMİ
• Tedesko 2 oyunluq cəzalandırılıb
• “Qalatasaray” 30 milyon avroluq transferi niyə baş tutmayıb?
• “Göztəpə”dən gürcüstanlı qapıçısı ilə bağlı qərar - komandadan ayrı məşq edəcək