Azərbaycan Premyer Liqasında son 10 ildə meydana çıxan ən yaşlı futbolçuların siyahısı müəyyənləşib.

2020-ci ilin əvvəlində son 10 illə bağlı bir sıra maraqlı məqamları araşdıran apasport.az saytı bu dəfə veteranların kimliyinə aydınlıq gətirib.

Buna Azərbaycan Premyer Liqasında qış transfer dövründə Marko Deviçin keçidi səbəb olub. Bakının “Sabah” klubu sabahın deyil, dünənin ulduzunu heyətinə qatıb. Ukrayna yığmasının vaxtilə milliləşdirdiyi serbiyalı qısa fasilədən sonra yenidən paytaxt klubuna qayıdıb.

Bu il 37 yaşını tamamlayacaq veteran heyətdəki gənclər üçün “əmi”, “dayı” sayıla biləcək yaşdadır. 2010-19-cu illərə nəzər salsaq, Marko heç də ən yaşlı futbolçu olmayacaq.

Son 10 ildə 36 yaşı keçdikdən sonra meydana çıxan futbolçular az olmayıb. Bunu bacaran 15 veterandan 8-i yerli, 7-si əcnəbidir. 16-cı belə oyunçu olacaq Marko bu nisbətdə tarazlıq yaradacaq.

Hələ də Premyer Liqada çıxış edən Rəşad Sadıqov, Rəşad Sadiqov və Maykl Essyen də bu siyahıda yer alıb. Deviç də təxminən həmyaşıd olduğu futbolçulara qoşulacaq.

Son 10 ilin rekordu isə Aqil Məmmədova məxsusdur. “Sumqayıt”ın sabiq yarımmüdafiəçisi 2011/12 mövsümündə meydana çıxanda 39 yaşı da arxada qoymuşdu. Elə həmin mövsüm onunla eyni komandada oynayan Mahmud Qurbanov ikinci göstəriciyə malikdir. O, 39 yaşına 40 gün qalmış meydana çıxıb. Karyerasını təxminən bir il sonra bitirən Dmitri Kramarenko ən yaşlı qapıçı kimi onilliyə düşüb.

Daha bir oyunçu 38 yaşdan sonra meydana çıxa bilib. Bu, ən yaşlı legioner olan Taras Çopikdir. Ukraynalı qolkiper də Kramarenko kimi ölkəmizdəki son oyununda “Simurq”da meydana çıxıb.

2010-19-cu illərdə Premyer Liqada oynamış 36 yaşdan yuxarı futbolçular

• “Göztəpə”dən gürcüstanlı qapıçısı ilə bağlı qərar - komandadan ayrı məşq edəcək
• Messi İspaniyada ikinci klubunu almağa hazırlaşır
• “Fənərbaxça” 2 ulduzundan məhrum olacaq – “Roma” ilə oyunu buraxacaqlar
• "Komo"dan nümunəvi addım: Xərçəng diaqnozu qoyulan futbolçusu ilə müqaviləni uzatdı
• "Beşiktaş"dan ayrıldı, Bolqarıstanda çıxış edəcək