Millətlər Liqasının Rumıniya – Norveç oyunu baş tutmayacaq.

Apasport.az saytının məlumatına görə, bu barədə qərarı UEFA verib.

Qurum buğun keçirilməli olan qarşılaşmanı ləğv edib. Görüşlə bağlı məsələ UEFA-nın Nəzarət, Etika və İntizam orqanına verilib. Bu komitə İcraiyyə Komitəsinin avqustun 29-da çıxardığı milli komandaların oyunlarına tətbiq olunan xüsusi qərara əsasən addım atacaq.

Qeyd edək ki, matçın baş tutmaması qonaqların oyuna yollanmaması ilə bağlıdır. Bir müddət əvvəl futbolçuların birində koronavirus aşkarlandığından bütün komanda karantinə alınıb. Bu səbəbdən də Norveç Futbol Federasiyası səhiyyə nazirliyinə müraciət edib və sonuncular komandanın ölkə xaricinə çıxmasına qadağa qoyub. Skandinaviyalıların üç gün sonra Avstriya ilə keçirəcəyi matçın taleyinə isə hələ aydınlıq gəlməyib.

• Türkiyə futbolunda qalmaqal böyüyür – TFF-dən MHK açıqlaması
• "Sabah" "Qarabağ"ı "Dalğa Arena"da qəbul edəcək
• Braziliyadan Avstraliyaya 4 qol – Ançelottinin komandasından geridönüş
• Avropa nəhəngləri “Porto”nun müdafiəçisi uğrunda mübarizəyə qoşuldu – 65 milyon avro
• Türkiyə futbolunda şok dalğası – MHK sədri Ferhat Gündoğdu saxlanıldı