“Mançester Yunayted”in hücumçusu Markus Reşford İngiltərə Premyer Liqasında mövsümün əvvəlini buraxacaq.

Apasport.az saytının məlumatına görə, buna səbəb 23 yaşlı forvardın İngiltərə millisinin heyətində AVRO-2020-də zədəsini yeniləməsidir.

Çiynində ağrıları olan oyunçu əməliyyata ehtiyac duyur. Dünən aparılan tibbi müayinədən sonra həkimlər bir daha əməliyyatın vacibliyini vurğulayıblar. Lakin bu, avqustda baş tutacaq. Əməliyyatdan sonra Reşford təxminən 3 ay yaşıl meydanlardan kənarda qalacaq və yalnız oktyabrın sonlarında kollektivə qoşulacaq.

Qeyd edək ki, Markus Reşfordun ötən mövsüm çiynində ağrıları olsa da, futbolçu ağrıkəsici iynələrin köməyi ilə oyunlarda meydana çıxıb.
 

• Dadaşov oynamadı, komandası növbəti tura yüksəldi
• “Mançester Yunayted” yeni baş məşqçi ilə anlaşıb
• “Qızıl top”un sahibi: "Bir gün vətənə qayıdıb, orada yenidən oynaya biləcəm"
• Mario Balotelli İtaliya klubunda - Rəsmi
• Rodri Ronaldodan sonra ikinci oldu