Misir millisinin baş məşqçisi Karluş Keyruş istefa verib.

Apasport.az saytının məlumatına görə, buna səbəb komandanın dünya çempionatının final mərhələsinə vəsiqə qazana bilməməsi olub.

Portuqaliyalı mütəxəssis seçmə mərhələnin pley-offunda Seneqala məğlubiyyətdən sonra postundan ayrıldığını açıqlayıb: “Xəyal gerçəkləşmədi. Hər şeyi etməyə çalışdıq, amma kifayət olmadı. Bütün oyunçulara və Misir Futbol Assosiasiyasına təşəkkürümü bildirirəm. Siz mənim qəlbimdə əbədi qalacaqsınız”.

Qeyd edək ki, Karluş Keyruş ötən ilin sentyabrında Misir millisinin sükanı arxasına keçib. Komanda pley-offa qədər irəliləsə də, həlledici görüşdə Seneqala penaltilər seriyası ilə məğlub olub.
 

• Dadaşov oynamadı, komandası növbəti tura yüksəldi
• “Mançester Yunayted” yeni baş məşqçi ilə anlaşıb
• “Qızıl top”un sahibi: "Bir gün vətənə qayıdıb, orada yenidən oynaya biləcəm"
• Mario Balotelli İtaliya klubunda - Rəsmi
• Rodri Ronaldodan sonra ikinci oldu