Başa çatmaqda olan 2019-cu il Azərbaycan millisi üçün uğursuz alınıb.

Apasport.az saytının məlumatına görə, bu gün açıqlanan ilin son FİFA reytinqi yığmamızın bir ildəki geriləməsinə aydınlıq gətirib.

Ötən ili dünyanın 107-cisi kimi başa vuran komanda bu dəfə 114-cü olub. Bu isə o deməkdir ki, yığmamız 12 ayda 7 pillə geriləyib.

Bu geriləmə artıq istefaya göndərilən baş məşqçi Nikola Yurçeviçin dövründəki nəticələrlə bağlıdır. Enişə əsasən də AVRO-2020-nin seçmə mərhələsindəki uğursuzluq səbəb olub. 8 matçdan yeddisində uduzan futbolçularımız tsikli cəmi bir xalla başa vurublar. Zəif rəqiblərə qarşı keçirilən iki yoxlama oyunundan yalnız birində qələbə qazanılması da komandanın mövqeyinə təsir edib.

Qeyd edək ki, 114-cü yer son 5 ildə üçüncü, son 10 ildə altıncı göstəricidir.

Millimiz ilin son FİFA reytinqində