Belçika çempionatının XXI turunda qeyri-adi hadisə yaşanıb.

Apasport.az saytının məlumatına görə, “Ostende” klubu oyunun gedişində baş məşqçisi Kare İnqebriqtseni istefaya göndərib.

Hadisə XXI turun “Şarlerua” ilə səfər qarşılaşması zamanı yaşanıb. Meydan sahiblərinin 3:0 hesabı ilə öndə olduğu vaxt “Ostende”nin rəsmi tvitter səhifəsi istefa barədə xəbər yayıb.

Bundan 20 dəqiqə sonra isə K.İnqebriqtsen Kiprin APOEL klubunun baş məşqçisi təyin olunub. Bir müddət əvvəl Avropa Liqasında Azərbaycan çempionu “Qarabağ” klubunun rəqibi olmuş və həmin vaxt da baş məşqçiləri tez-tez dəyişməyi sevən Nikosiya təmsilçisi “Ostende”nin çalışdırıcısını “oğurlayıb”.

Oyun zamanı rəsmiləşən istefanın səbəbkarı da APOEL-dir. Kiprlilər baş məşqçi ilə anlaşsalar da, “Ostende” mütəxəssisi buraxmaq istəməyib. “Şarlerua” ilə matçın gedişində klub rəhbərliyi başa düşüb ki, K.İnqebriqtseni saxlamaq mənasızdır.

Qeyd edək ki, “Ostende” baş məşqçisinin istefaya göndərildiyi oyunda 0:5 hesabı ilə uduzub.
 

• “Qalatasaray” 30 milyon avroluq transferi niyə baş tutmayıb?
• “Göztəpə”dən gürcüstanlı qapıçısı ilə bağlı qərar - komandadan ayrı məşq edəcək
• Messi İspaniyada ikinci klubunu almağa hazırlaşır
• “Fənərbaxça” 2 ulduzundan məhrum olacaq – “Roma” ilə oyunu buraxacaqlar
• "Komo"dan nümunəvi addım: Xərçəng diaqnozu qoyulan futbolçusu ilə müqaviləni uzatdı