Beynəlxalq Futbol Tarixi və Statistikaları Federasiyasının (İFFHS) açıqladığı dünyanın ən güclü 100 liqasından 50-si Avropanı təmsil edir.

Apasport.az saytının məlumatına görə, planetin 56-cısı olan Azərbaycan Premyer Liqası UEFA-ya üzv olan ölkələr arasında 34-cü yeri tutur.

Çempionatımız 70-ci olduğu ötən illə müqayisədə 14 pillə irəliləyişə nail olub. Premyer Liqa son bir ildə bu çempionatları arxada qoyub: Əlcəzair, Estoniya, İran, Latviya, İrlandiya, Sudan, Qvatemala, Kosta-Rika, ABŞ, Qətər, Albaniya, Litva, Tailand, BƏƏ.

Azərbaycan ən böyük irəliləyişə nail olan ölkələrdəndir. Çili və Ekvadorla eyni göstəricəyə malik çempionatımız 14 addım irəliləyib. Bu, tərəqqi üzrə cədvəldə 12-14-cü yerlər üçün yetərlidir. Rekord Beninə məxsusdur – 62 pilləlik irəliləyiş. Antirekord isə Qətərdədir. Asiyalılar 29 pillə enişə məruz qalıblar.

Keçmiş SSRİ təmsilçilərindən 12-si 100 ən yaxşı liqa sırasında yer alıb. Yalnız Qırğızıstan, Tacikistan və Türkmənistan siyahıdan kənarda qalıb. Azərbaycan postsovet məkanında 6-cı yerdədir.

• “Göztəpə”dən gürcüstanlı qapıçısı ilə bağlı qərar - komandadan ayrı məşq edəcək
• Messi İspaniyada ikinci klubunu almağa hazırlaşır
• “Fənərbaxça” 2 ulduzundan məhrum olacaq – “Roma” ilə oyunu buraxacaqlar
• "Komo"dan nümunəvi addım: Xərçəng diaqnozu qoyulan futbolçusu ilə müqaviləni uzatdı
• "Beşiktaş"dan ayrıldı, Bolqarıstanda çıxış edəcək