Azərbaycan Premyer Liqasının həftəsonu keçiriləcək XXIV turunda üç cəzalı olacaq.

Apasport.az saytının məlumatına görə, buna XXIII turun matçları səbəb olub.

Ən böyük itkilər “Qəbələ”dədir. “Qırmızı-qaralar” baş məşqçisi Elmar Baxşıyev və braziliyalı legioner Rafael Utziqi itirib.

Baxşıyev “Sumqayıt”la qarşılaşmada (1:1) qırmızı vərəqə alıb. Həmin görüşdə sarı vərəqə ilə cəzalanan cənubi amerikalı mövsümdə 4-cü xəbərdarlıq aldığı üçün diskvalifikasiya edilib. Onlar “Qarabağ”la oyundan kənar qalacaq.

Qəbələdəki matçda sarı vərəqə alan Dmitri Nağıyev də “Sumqayıt”a kömək etməyəcək. 4-cü xəbərdarlıq alan milliləşən legioner “Zirə” ilə oyunda meydana çıxmayacaq.
 

• “Leypsiq”dən “Atalanta”ya - RƏSMİ
• “Barselona”dan “Braqa”ya - RƏSMİ
• “Çelsi” Pedro ilə müqaviləni yenilədi - RƏSMİ
• Gürcüstanlı futbolçu “Sevilya”da - RƏSMİ
• Günün canlı yayımlanacaq matçları - TV AFİŞA