Rusiya Antidopinq Agentliyinin (RUSADA) Müşahidə Şurasının iclası keçirilib.

Apasport.az saytının məlumatına görə, Moskvada baş tutan yığıncaqda Ümumdünya Antidopinq Agentliyinin (WADA) verdiyi cəza müzakirə olunub.

İclasda RUSADA-nın təsisçilər şurasına WADA-nın sanksiyaları ilə razılaşmamaq tövsiyə edilib. İş İsveçrənin Lozanna şəhərindəki İdman Arbitraj Məhkəməsinə (CAS) verilməlidir.

RUSADA qarşıdakı 10-15 gün ərzində WADA-ya İcraiyyə Komitəsinin sanksiyası ilə razılaşmadığını göndərəcək. WADA isə mübahisə ilə bağlı CAS-a məlumat verəcək.

Qeyd edək ki, WADA-nın İcraiyyə Komitəsi dekabrın 9-da çıxardığı qərarla Rusiya idmançılarını 4 il müddətində Olimpiya və Paralimpiya Oyunlarında, həmçinin dünya çempionatlarında milli bayraq altında iştirakına, ölkənin böyük beynəlxalq yarışlar təşkil etməsinə qadağa qoyub.

• “Qalatasaray” 30 milyon avroluq transferi niyə baş tutmayıb?
• “Göztəpə”dən gürcüstanlı qapıçısı ilə bağlı qərar - komandadan ayrı məşq edəcək
• Messi İspaniyada ikinci klubunu almağa hazırlaşır
• “Fənərbaxça” 2 ulduzundan məhrum olacaq – “Roma” ilə oyunu buraxacaqlar
• "Komo"dan nümunəvi addım: Xərçəng diaqnozu qoyulan futbolçusu ilə müqaviləni uzatdı