Əfsanəvi braziliyalı futbolçu Rivaldonun oğlu Rivaldinyonun Azərbaycanda çıxış etmək variantı olub.

Apasport.az saytının məlumatına görə, 25 yaşlı hücumçunun adı növbəti dəfə Premyer Liqa klubu ilə birgə hallanıb.

Hazırda "Vitorul"un formasını geyinən Rivaldinyo bu dəfə "Sabah"a keçməyə yaxın olub. Lakin Bakı klubu menecerlər tərəfindən təklif edilən "sambaçı"nı bəyənməyib, onun xidmətindən imtina ediblər. Halbuki forvard özü "Sabah"da oynamağa razı olub.

Qeyd edək ki, Rivaldinyo "Vitorul"dan əvvəl Avropada "Boavişta", "Dinamo" (Buxarest) və "Levski"nin formasını geyinib.
 

• Premyer Liqa: “Mançester Siti” əsəbini "Çelsi"dən çıxdı
• La Liqa: “Atletiko” və “Sevilya” xal itirib
• Antoni İspaniya klubunda - rəsmi
• A Seriyası: “Yuventus”dan ilk məğlubiyyət
• Mahir oynamadı, komandası məğlub oldu