Polşa, İsveç və Çexiya hökuməti Rusiya yığmasının DÇ-2022-nin pley-off mərhələsindən kənarlaşdırılmasını istəyir.
Apasport.az saytının məlumatına görə, Polşanın idman naziri Kamil Bortniçuk martın 1-də və ya 2-də Sürixdə FIFA prezidenti Canni İnfantino ilə görüşərək, onun bu çağırışı dəstəkləməsini istəyəcək.
Bortniçukun İsveçrə səfərindən asılı olmayaraq, adıçəkilən ölkələr bu gün FIFA-ya açıq məktub göndərəcək. İnfantino ilə danışıqların çətin keçəcəyi gözlənilir. Ancaq hər üç ölkə geri çəkilmək fikrində deyil.
Qeyd edək ki, pley-off mərhələsində yarımfinalın Rusiya – Polşa oyunu martın 24-də Moskvada keçirilməlidir. Lakin Rusiya ilə Ukrayna arasında yaşanan hərbi gərginlik səbəbindən bu ölkələrdə beynəlxalq səviyyəli matçların keçirilməməsi qərara alınıb. Rusiya – Polşa cütünün qalibi finalda Çexiya və ya İsveçlə üz-üzə gələcək.
Oxşar xəbərlər
Ana səhifə
Bütün xəbərlər