“Qarabağ”ın müdafiəçisi Bədavi Hüseynov əməliyyat olunacaq.

Bu barədə apasport.az saytına Ağdam klubunun mətbuat xidmətinin rəhbəri Gündüz Abbaszadə məlumat verib.

O bildirib ki, milli komandamızın heyətində Moldova ilə keçirilən yoldaşlıq görüşündə zədələnən 30 yaşlı futbolçunun diz çarpaz bağlarının əməliyyata ehtiyacı var. Bu isə o deməkdir ki, Hüseynov azı 6 ay yaşıl meydanlardan uzaq qalacaq. Mərkəz müdafiəçisi ən yaxşı halda 2022-ci ilin əvvəlində kollektivə qoşula biləcək.

Əməliyyatın nə zaman və harada baş tutacağına milli komandanın həkimləri nəzarət edir. Futbolçu yığmanın oyununda zədələndiyi üçün əməliyyatın bütün xərclərini AFFA qarşılayacaq.
 

• “Arsenal”dan “Dortmund”a
• “Liverpul”un yarımmüdafiəçisi İspaniya klubunda
• Dieqo Karlos rəsmən “Parma”da
• “Çelsi” transfer etdi, birbaşa icarəyə verdi
• “Trabzonspor” Fatih Tekke ilə yollarını ayırıb