“Pandemiyadan əvvəlki son ildə beynəlxalq transfer bazarında 7 milyard dollar xərclənib. Bunun 700 milyonu agentlərə və yalnız 70 milyonu futbolçuları yetişdirən klublara çatıb”.
Apasport.az saytının məlumatına görə, bunu FİFA-nın prezidenti Canni İnfantino deyib.
Qurum başçısı transfer bazarında islahatlar aparılacağını açıqlayıb: “Bizim prinsipimiz transfer bazarında islahatlar aparmaqdır. Belə nəhəng pul vəsaitinin qaydasız axınını düzgün saymırıq. Həmrəylik mexanizminə əsasən oyunçu yetişdirən klub transfer məbləğinin 5 faizini alır. Amma cəmi 60-70 milyon ödənir. Niyə? Çünki bunlar balaca klublardır və bu məbləğləri necə ala biləcəklərini bilmirlər. Onların vaxtı, vəkillər tutmağa pulu çatmır ki, məhkəmələrə müraciət etsinlər. Biz tam şəffaflıq üçün avtomatlaşdırmalıyıq”.
Oxşar xəbərlər
Ana səhifə
Bütün xəbərlər