Londonun "Arsenal" klubu UEFA Çempionlar Liqasında uğurlu çıxışını davam etdirib.

“Topçular” turnirin növbəti turunda səfərdə "İnter"i 3:1 hesabı ilə məğlub ediblər. London təmsilçisinin qollarını Qabriel Jezus (2) və Viktor Qyökereş vurub.

Apasport.az “opta”ya istinadla xəbər verir ki, bu nəticə “Arsenal” üçün Çempionlar Liqasında ardıcıl 7-ci qələbə olub və klub tarixində yeni rekord kimi qeydə alınıb.

İngiltərə klubları arasında daha uzun qələbə seriyasına yalnız "Mançester Siti" nail olub. “Şəhərlilər” 2024-cü ildə turnirdə ardıcıl 10 oyun qazanıblar.

Qeyd edək ki, “Arsenal” yeddi turdan sonra 21 xalla ümumi turnir cədvəlinə liderlik edir. Mikel Artetanın komandası "Real Madrid" və "Bayern Münhen"dən 6 xal irəlidədir və 1/8 final mərhələsinə birbaşa vəsiqəni təmin edib.

• “Siti”nin müdafiəçisi “Fənərbaxça”nın hədəfində
• “Yunayted”in yeni baş məşqçi variantı: Niko Kovaç
• ABŞ-də keçiriləcək mundial təhlükədə: Avropadan boykot çağırışları
• “Ayntraxt”ın kapitanı: “Bizi qarşıda vacib oyun gözləyir”
• “Fənərbaxça” borclarını ödəyib