Türkiyənin “Beşiktaş” klubu braziliyalı müdafiəçi ilə güclənə bilər.

Apasport.az saytı xəbər verir ki, İstanbul təmsilçisi Portuqaliya “Braqa”sından Vitor Tormenanı almaq istəyir.

“Qara qartal”lar 27 yaşlı müdafiəçinin transferi üçün qarşı tərəfə 3 milyon avro təklif edib. 

Danışıqlar davam etsə də, portuqaliyalılar futbolçunu daha yüksək məbləğə satmağa çalışırlar.

Qeyd edək ki, “Braqa” Tormenanı 2021-ci ildə 700 min avroya “Jil Visente”dən alıb. Braziliyalı müdafiəçi bu mövsüm 19 oyunda iştirak edərək, 1 qol vurub.