“Kukesi” futbolçularının mətbuata açıqlamalarına nəzər yetirsək, onların inamlı danışdıqlarını görərik. Bu da onların meydana qələbə üçün çıxacaqlarını göstərir”. Apasport.az “Qarabağ”ın saytına istinadən xəbər verir ki, bu sözləri Ağdam klubunun baş məşqçisi Qurban Qurbanov deyib.
Azərbaycan çempionu sabah Çempionlar Liqasının II təsnifat mərhələsinin ilk matçında "Kukesi"nin qonağı olacaq.
Qurbanov qarşılaşma öncəsi təşkil edilən mətbuat konfransında heyətdə problemlər yaşadıqlarını bildirib: “Rəqibi yaxşı təhlil etmişik. Səhvsiz oynamağa çalışacağıq. Heyətlə bağlı bir neçə problemimiz var, amma meydana çıxanda bunları göstərməməyə çalışacağıq. Səfərdən maksimum sərfəli nəticə ilə qayıtmaq üçün meydana çıxacağıq".
Qeyd edək ki, “Kukesi” – “Qarabağ” qarşılaşması Bakı vaxtı ilə 21:00-da başlayacaq.
Oxşar xəbərlər
Ana səhifə
Bütün xəbərlər
Hesabım