21 yaşadək futbolçulardan ibarət Azərbaycan millisinin yarımmüdafiəçisi Ozan Can Kökcünün “Bursaspor”da qalmaq şansı azalıb. Apasport.az saytının Türkiyə mətbuatına istinadən məlumatına görə, Superliqa təmsilçisi onu icarəyə vermək barədə düşünür.
Düzdü, baş məşqçi Samet Aybaba iyulun 12-dən etibarən keçirəcəkləri yoxlama görüşlərində həm ona, həm də digər gənclərə özlərini göstərmək imkanı verəcək. Lakin çalışdırıcı indiki durumda Kökcü ilə yanaşı, Alper Adəmoğlunun başqa klubda təcrübə toplamasının tərəfdarıdı.
Komandanın yarımmüdafiə xəttində oyunçu sayının çoxluğunu nəzərə alan Aybaba adıçəkilən gənclərin ehtiyatda oturmalarını istəmir. Digər gənclərdən Emirhan Aydoğandan məmnun qalan baş məşqçi yeni transfer Yani Atanasovla bağlı qərar verməkdə çətinlik çəkir.
Qeyd edək ki, ötən mövsümü icarə əsasında “Vaalveyk”də keçirən Ozan Can Kökcünün “Bursaspor”la müqavilə müddəti 2021-ci ilin yayına qədərdi.
Oxşar xəbərlər
Ana səhifə
Bütün xəbərlər