“Fənərbaxça” klubunun baş məşqçisinin adına aydınlıq gəlib. Apasport.az Türkiyə mətbuatına istinadən məlumat verir ki, Aykut Kocamanın istefasından sonra boş qalan post hollandiyalı Filipp Kokuya tapşırılacaq.

Son 4 mövsümdə “PSV Eyndhoven”i 3 dəfə çempion edən 48 yaşlı mütəxəssisin gələn həftənin əvvəlində İstanbula gələrək, rəsmi müqaviləyə imza atacağı bildirilir. Kokunun Hollandiya klubu ilə 1 illik anlaşmasına hansı qaydada xitam veriləcəyi də Türkiyədəki görüşdən sonra bilinəcək.

Türkiyəli həmkarlarımız bu problemi ya mütəxəssisin özünün həll edəcəyini, ya da “sarı-lacivərdlilər”in yeni prezidenti Ali Koçun az məbləğdə təzminatla aradan qaldıracağını qeyd edirlər.

• Premyer Liqa klubunda ciddi itki
• "Benfika"dan ayrıldı - YUNANISTANDA ÇIXIŞ EDƏCƏK
• "Trabzonspor"da Tomas Reys səsləri
• "Beşiktaş"ın matçı italiyalılara həvalə olunub
• Kloppla birlikdə Saneyə milli qapısı bağlanır