Ötən həftəsonu Hollandiya çempionatında 22-ci turun oyunları keçirilib.

Apasport.az xəbər verir ki, "Ayaks" doğma meydanda "NEK"i qəbul etdi.

Matçda danimarkalı futbolçu Lasse Şone "NEK"in heyətində sabiq klubuna qarşı meydana daxil olub. 

Bu, danimarkalı oyunçunun Hollandiya liqasında 434-cü oyunu idi və bununla da Şone yeni rekorda imza atdı. Şone indi Eredivisie tarixinin ən təcrübəli əcnəbisidir.

Qeyd edək ki, 37 yaşlı futbolçu 2012-2019-cu illərdə "Ayaks"ın şərəfini qoruyub.