İspaniya millisi Luis de la Fuenteni baş məşqçi postunda saxlayıb.

Apasport.az xəbər verir ki, bunu İspaniya Kral Futbol Federasiyasının rəsmi saytı açıqlayıb. 

Mütəxəssislə müqavilə müddəti uzadılıb. 62 yaşlı çalışdırıcı ilə yeni sözləşmə 2026-cı ilə qədər nəzərdə tutulub.

Qeyd edək ki, de la Fuente 2023-cü ilin yanvarından İspaniya millisinə rəhbərlik edir. Onun rəhbərliyi altında ispanlar 10 görüş keçirib, 9 dəfə qalib gəlib, 1 məğlubiyyət alıb.