İspaniya Kral Futbol Federasiyası (RFEF) başsız qalıb.

Apasport.az saytı xəbər verir ki, Luis Rubiales prezident vəzifəsindən istefa verib. 

46 yaşlı futbol funksioneri gedişinin səbəbini bundan sonra quruma fayda verə bilməməyəcəyi ilə əlaqələndirib: “RFEF rəhbərliyi ilə yanaşı, UEFA-nın vitse-prezidenti postundan ayrılıram. Artıq prezident səlahiyyətlərini icra edən Pedro Roçanı bu barədə məlumatlandırmışam. FİFA tərəfindən verilən cəzadan, eləcə də, mənə qarşı qaldırılan digər proseslərdən sonra vəzifəmə qayıda bilməyəcəyim aydındır. Buna görə də israr etməyərək, nə federasiyaya, nə də İspaniya futboluna müsbət heç nə verə bilməyəcəyimi nəzərə aldım”. 

Qeyd edək ki, rüşvətxorluqda və federasiyanın büdcəsini talamaqla günahlandırılan Rubiales avqustun 26-da FİFA-nın Nizam İntizam Komitəsi tərəfindən 90 günlüyünə vəzifəsindən uzaqlaşdırılmışdı. Qeyri-adi hərəkətləri ilə də daim medianın diqqət mərkəzində olan funksioner son olaraq qadınlar arasında dünya çempionatının mükafatlandırma mərasimində İspaniya millisinin yarımmüdafiəçisi Cenifer Hermosonu dodağından öpərək gündəm olmuşdu.

• Braziliya Avstraliya ilə bacarmayıb
• Zidan Fransada yeni qadağa qoydu – Bərbərlər bazaya buraxılmayacaq
• Dursun Özbekdən Okan Buruka tam dəstək – “27-ci çempionluğa gedirik”
• Almaniya millisində iki ciddi itki – Musiala və Haverts sıradan çıxdı
• Serdal Adalıdan “Qalatasaray”a atmaca: "Allah onlara səbir versin"