Super Liqa təmsilçilərindən "Qalatasaray" baş məşqçi Okan Burukla yeni müqavilə imzalayıb. 

Apasport.az xəbər verir ki, bu barədə klubun mətbuat xidməti məlumat yayıb. 

50 yaşlı çalışdırıcının müqavilə müddəti 2 il uzadılıb. Sabah "Qalatasaray"la anlaşan çalışdırıcı üçün imza mərasimi təşkil olunacaq. 

Qeyd edək ki, Okan Buruk 23 iyun 2022-ci ildən "sarı-qırmızılar"ı çalışdırır.  O, İstanbul klubu ilə Super Liqada ardıcıl 2 çempionluq qazanıb.

Okan Burukun idarə etdiyi “Qalatasaray” bu mövsüm Türkiyə Superkubokunu öz muzeyinə gətirib.