“Qalatasaray”ın futbolçusu Tete Rusiyaya köçməyə hazırlaşır.

Apasport.az “RİA Novosti”yə istinadən xəbər verir ki, braziliyalının xidmətində “Zenit” maraqlıdır.

Sankt-Peterburq təmsilçisi 23 yaşlı braziliyalını qışda heyətinə qatmaq niyyətindədir.

Tete 2023-cü il avqustun 10-da “Şaxtyor”dan “Qalatasaray”a keçib. Onun İstanbul təmsilçisi ilə müqaviləsi 2027-ci il iyunun 30-na qədərdir. O, indiyə qədər “Qremio”, “Lion”, “Lester” klublarında oynayıb.