“Qarabağ”ın Çempionlar Liqasının I təsnifat mərhələsindəki rəqibi “Olimpiya” təlim-məşq toplanışını davam etdirir. Apasport.az-ın klubun saytına istinadən məlumatına görə, Sloveniya çempionu ağdamlılarla duel öncəsi iki yoxlama görüşündə qüvvəsini sınayacaq.

Komanda öncə “Ferensvaroş”la üz-üzə gələcək. Bu məqsədlə lyublyanalılar Macarıstanın Zalaeqerzeq şəhərinə yola düşüblər. Matçdan dərhal sonra Lyublyanaya dönəcək “Olimpiya” doğma arenasında son sınaq matçına çıxacaq. İliya Stolikanın yetirmələrinin budəfəki rəqibi Misir klubu “Əl-Əhli” olacaq.

Qeyd edək ki, “Qarabağ”la “Olimpiya” arasında ilk oyun iyulun 11-də Lyublyanada, cavab qarşılaşması isə ayın 18-də Bakıda keçiriləcək.

• Günün canlı yayımlanacaq matçları - TV AFİŞA
• Milik “Yuventus”dan ayrıla bilər
• PSJ-nin müdafiəçi İngiltərə klublarının hədəfində
• “Atletiko”da ciddi itki - Alvarez məşqdə zədələndi
• “Qalatasaray”ın matçı bu kanalda - TV AFİŞA