[b]"Real" "Mançester Yunayted"lə bacarmadı, "Barselona" "Roma"ya uduzdu[/b]

01.08.2018 - 10:26

Beynəlxalq Çempionlar Kubokunda növbəti görüşlər keçirilib. Apasport.az saytının məlumatına görə, “Mançester Yunayted” “Real”la, “Tottenhem” “Milan”la, “Barselona” isə “Roma” ilə qarşılaşıb.

“Qırmızı şeytanlar” Aleksis Sançes və Ander Erreranın vurduğu qollar sayəsində “Real”ı məğlub edib. Kərim Benzemanın qolu Madrid klubu üçün yetərli olmayıb. “Tottenhem” “Milan”a minimal fərqlə qalib gəlib. Günün ən bol qollu matçında isə “Roma” “Barselona”dan üstün olub – 4:2.

“Mançester Yunayted” – “Real” – 2:1

Qollar: Sançes, 18; Errera, 27 – Benzema, 45+3

“Tottenhem” – “Milan” – 1:0

Qol: Nkudu, 47

“Barselona” – “Roma” – 2:4

Qollar: Rafinya, 5; Malkom, 49 – El Şaaravi, 34; Florenzi, 78; Kristante, 83; Perrotti, 86 (penalti)