Topaz Premyer Liqasının 2013/14 mövsümündə ən çox quru oyun keçirən qapıçıların siyahısı müəyyənləşib. Apasport.az saytının məlumatına görə, 36 turluq çempionatda 9 qapıçı 6 və daha çox matçda qapısını toxunulmaz saxlayıb.
Rekord isə “Simurq”un qapıçısı Pavel Kapsaya məxsusdur. Polşalı 16 matçda qapısından qol buraxmayıb. O, buna 32 qarşılaşmada nail olub. Bu isə o deməkdir ki, legioner oyunların 50 faizində qol buraxmayıb.
“Qarabağ”ın qapıçıları – İbrahim Şehim və Fərhad Vəliyev meydana çıxdığı görüşlərin yarısından çoxunda bunu bacarıb. Lakin quru oyun sayında 2-ci yer Saşa Stamenkoviçə məxsusdur. İbrahim isə yalnız 3-cüdür. O, yalnız ümumi oyun sayının azlığına görə ən yaxşı yerli qapıçı Səlahət Ağayevi arxada qoyub. Bu üzdən də ilk 3 pillədə yalnız əcnəbilər qərarlaşıb.
Ən çox quru oyun keçirənlər
1. Pavel Kapsa (Simurq) – 16 quru oyun (32 matçda)
2. Saşa Sramenkoviç (Neftçi) - 13 (34)
3. İbrahim Şehiç (Qarabağ) – 12 (22)
4. Səlahət Ağayev (İnter) – 12 (25)
5. Kamran Ağayev (Bakı/Qəbələ) – 9 (26)
6. Fərhad Vəliyev (Qarabağ) – 7 (12)
7. Orxan Sadıqlı (Xəzər Lənkəran) – 7 (26)
8. Aqil Məmmədov (Bakı)– 6 (19)
9. Ruslan Məcidov (AZAL) – 6 (24)
Oxşar xəbərlər
Ana səhifə
Bütün xəbərlər