Azərbaycan millisinin sabiq futbolçusu Branimir Subaşiç “Manisaspor”dakı qol sayını 4-ə çatdırıb. Apasport.az saytının məlumatına görə, 33 yaşlı hücumçu Türkiyə kubokunun 1/8 final mərhələsinin “Tuzlaspor”la qarşılaşmasında (3:1) fərqlənib.

Bu qol onun cari mövsümdə 4-cü, kubokda 2-ci uğurudu. Bunadək milliləşən serbiyalı kubokun “Zonquldak Kömürspor”la matçında (2:1) rəqib qapısına yol tapmışdı.

Subaşiç Manisa təmsilçisindəki digər iki qolunu I liqada vurub. O, “Antalyaspor” (3:3) və “Bucaspor”la (5:0) görüşlərdə qolçuluq bacarığını nümayiş etdirib.

Qeyd edək ki, 18 çempionat və 7 kubok matçına çıxan Branimir “Manisaspor”da 25-ci qarşılaşmasını keçirib.

• “Fənərbaxça”da İsmail Kartal dövrü başa çatdı – İstefası qəbul edildi
• Premyer Liqada ayın oyunçusu müəyyənləşib
• Vlahoviçin cəzası qüvvədə qaldı – “Erzurumspor" matçını buraxacaq
• Premyer Liqada ayın ən yaxşısı: Sergey Yakiroviç
• İngiltərə millisinin üzvü daha 5 il “Nyukasl”da