“Atletiko” gənc yarımmüdafiəçisi Saul Niques ilə müqaviləni yeniləyib. Apasport.az-ın xəbərinə görə, bu barədə klub saytı məlumat yayıb.

Belə ki, Madrid klubu 19 yaşlı futbolçusu ilə sözləşməni 2019-cu ilə qədər uzadıb. İspaniya mətbuatında yazılanlar görə, rəhbərlik bu müqavilədən sonra ötən ili icarə əsasında “Rayo Valyekano”da keçirən futbolçunu komandada möhkəmləndirmək istədiyini göstərib.

Qeyd edək ki, İspaniya U 21 millisinin də üzvü olan Niques 2008-ci ildə  digər La Liqa təmsilçisi “Real”dan (Madrid) “Atletiko”ya keçib. O, 2012-ci ildə əsas heyətdə ilk matçını keçirib.

Xatırladaq ki, İspan klubu ötən gün təcrübəli yarımmüdafiəçisi Raul Qarsiya ilə də müqaviləni yeniləyib.

• "Roma"nın yarımmüdafiəçisi "Leypsiq"də
• "Barselona"dan "Deportivo"ya - RƏSMİ
• “Brayton”dan yeni transfer – Nigeriya millisinin üzvü ilə 4 illik müqavilə
• "Siti" futbolçusunu icarəyə verdi
• Bayçetiç “Liverpul”dan ayrıldı – İspaniyaya qayıtdı