“Barselona” futbol klubunun baş məşqçisi Luis Enrike təcili şəkildə “Mutua de Terrassa” xəstəxanasına aparılıb. Apasport.az saytının məlumatına görə, ispaniyalı mütəxəssisdə kor bağırsağının kəskin iltihabı aşkar edilib. 44 yaşlı Enrikenin əməliyyat olunduğu bildirilir.

Buna qədər “Selta”da işləyən Enrike mayın 20-də “Barselona” ilə 2 illik müqavilə imzalayıb. O, bu postda müqaviləsi qarşılıqlı anlaşma yolu ilə pozulan argentinalı məşqçi Herardo Martinonu əvəz edib. Enrike 1994-cü ildən karyerasının sonuna – 2004-cü ilə qədər “Barsa”nın formasını geyinib. 2002-2004-cü illərdə isə komandanın kapitanı sarğısını taxıb.

Luis Enrike 8 il ərzində 300 oyun keçirib və 109 qol vurub.

• Emre Belözoğlu “Antalyaspor”da
• Kvaratsxeliya rəsmən PSJ-də
• "Hatayspor"da yeni baş məşqçi
• Mahirin komanda yoldaşı karyerasını İngiltərədə davam etdirə bilər
• Dünən gəldi, bu gün zədələndi: Türk klubunda şanssızlıq