Milli komandamızın yarımmüdafiəçisi Cavid İmamverdiyev Belarusla matçdan sonra apasport.az saytının əməkdaşının suallarını da cavablandırıb.
- Matçın ən yaxşılarından biri kimi nə düşünürsən?
- Yaxşı oynadığımı düşünmürəm, çünki bundan da yaxşısını edə bilərdim. Hətta qol da vura bilərdim. Əlimdən gəldiyi qədər məşqçinin tapşırıqlarını yerinə yetirməyə çalışdım. Ümid edirəm ki, Qurban müəllimin etimadını doğruldaram.
- İki qol vəziyyətin olsa da, yararlana bilmədin. Nə mane oldu?
- İlk vəziyyətdə zərbəm yaxşı alınsa da, az fərqlə qapıdan aralı keçdi. İkinci epizodda isə qarşımdakı oyunçunu keçib zərbə vurdum. Onda da qapıçı yaxşı oynadı.
- Milliyə böyük ümidlərlə çağrılan Amil Yunanov fasilədə əvəzləndi. Bu, səndə ruh düşkünlüyü yaratmadı?
- O, mənim işim deyil. Bu haqda danışmaq fikrim yoxdu. Amma nəinki Amil, bütün oyunçuların yaxşı çıxış etməyini istəyirəm.
- Aranızdakı anlaşma “Sumqayıt”dakl kimi alınırdımı?
- Bəzən alınırdı, bəzən yox. Klubla milli fərqli sferalardı. Ona görə belə olmağı normaldı.
- Qurban Qurbanov hər iki oyunda sənə şans verib. Hiss edirsənmi, səninlə bağlı gələcək planları necədi?
- Baş məşqçimiz tək mənə yox, hamıya şans verir, imkan yaradır ki, hər kəs özünü göstərsin. Hər kəsə eyni baxır. Biz də çalışırıq ki, bu güvəni doğruldaq.
- Millətlər Liqası haqqında nə düşünürsüz?
- Zəif komanda yoxdu. Həmişə özümüzü rəqibdən zəif bilib ikiqat əzmlə oynamalıyıq ki, nəsə qazana bilək.
Oxşar xəbərlər
Ana səhifə
Bütün xəbərlər