Avropa Liqasının 1/16 final mərhələsinin “Fənərbaxça” (Türkiyə) - “Lokomotiv” (Rusiya) oyunu neytral meydanda keçirilə bilər. Apasport.az saytının məlumatına görə, bunu Moskva klubunun idman direktoru Kirill Kotov açıqlayıb.

O bildirib ki, iki ölkə arasında münasibətlər üzündən qarşılaşmanın neytral meydanda keçirilməsi variantı götür-qoy edilir: “Püşkün nəticəsini dəyişə bilmərik. Bu üzdən klub rəhbərliyi qarşılaşmanın neytral meydanda baş tutmasını da götür-qoy edir. Lakin böyük ehtimalla görüş Türkiyədə keçiriləcək. Düşünürəm ki, hər şey qaydasında olacaq”.

Qeyd edək ki, “Fənərbaxça” və “Lokomotiv” arasında ilk oyun fevralın 16-da İstanbulda, cavab qarşılaşması 25-də Moskvada keçirilməlidi.

• 114 ittiham üzrə günahkar bilindi - “Mançester Siti” satıla bilər
• “Məlumatların silinməsi iddiası yalandır” - TFF-dən açıqlama
• Klubsuz qalan İkardi: “Mənim artıq hər şeyim var”
• İsmail Kartaldan çempionluq mesajı – Asensio qayıdır
• Belçika – Türkiyə matçının hakimi müəyyənləşdi