“Real”ın çoxdandı transfer etməyə çalışdığı David De Xeanın “kral klubu”na keçidi, deyəsən, baş tutmayacaq. Apasport.az saytının İngiltərə mətbuatına istinadən məlumatına görə, ispaniyalı futbolçunun adı “qırmızı şeytanlar”ın iştirak ərizəsinə salınıb.

Çempionlar Liqasının pley-off mərhələsində “Brügge” ilə qarşılaşacaq “mankunianlar” sifariş ərizəsini UEFA-ya göndərib. Maraqlıdı ki, heyətdə məhz De Xeanın da adı yer alıb. Bu isə o deməkdi ki, qolkiper “Brügge” ilə qarşılaşmada meydançaya çıxarsa, “Real”a transfer olacağı təqdirdə, gələn ilin yanvarına qədər ÇL-də ispan klubuna kömək edə bilməyəcək. Burdan belə qənaətə gəlmək olar ki, De Xea “Mançester Yunayted”də qalacaq.

Digər ispan qapıçı Viktor Valdes isə heyətə salınmayıb. Baş məşqçi Lui van Qalla mübahisə edən təcrübəli qolkiperin komandadan ayrılması gözlənilir.

• Frankulinyonun "astarı üzündən baha gəldi" – “Trabzonspor” 25 milyon ödəyəcək
• “Barselona”nın 14 yaşlı yeni "qol maşını" – 30 oyunda 96 qol
• Avroliqadan həvəskar liqaya – “Yeni Malatyaspor”un çöküşü
• “Marsel” Genesionu göndərmək istəsə də, "əli-qolu bağlıdır"
• “Valensiya”da yeni baş məşqçi – Xavyer Aqirre yenidən İspaniyada