“Neftçi” bu gün Avroliqanın pley-off mərhələsində “Partizan”la keçirəcəyi cavab oyunu öncəsi bəyanat yayıb. Apasport.az xəbər verir ki, Bakı klubu rəsmi saytı vasitəsilə azarkeşlərinə müraciət edib.
Müraciətdə göstərilir: “Bu gün Avroliqanın play-off mərhələsi çərçivəsində Tofiq Bəhramov adına Respublika stadionunda “Neftçi” – “Partizan” oyunu keçiriləcək. Azarkeşlərdən xahiş edirik ki, baş verə biləcək hər hansı təxribata uymasınlar.
Xatırladırıq ki, Avroliqanın III təsnifat mərhələsi çərçivəsində keçirilmiş “Neftçi” - “Çixura” (Gürcüstan) matçında qonaq komandanın azarkeşləri tərəfindən törədilən təxribat xarakterli halların qarşısı iki dost ölkənin və iki klubun birgə əməyi və səyi nəticəsində alınmışdır.
Avroliqanın play-off mərhələsi çərçivəsində Serbiyada təşkil olunmuş “Partizan” - “Neftçi” oyunundan sonra da baş verənlər növbəti təxribatın yaşanmasına zəmin yarada bilər. Bir daha azarkeşlərin diqqətinə çatdırırq ki, bugünkü matçda təxribata uymasınlar və komandamızı sona qədər dəstəkləsinlər”.
Oxşar xəbərlər
Ana səhifə
Bütün xəbərlər