“Böyük kluba gəldiyimi yaxşı anlayıram. “Neftçi” hər zaman yüksək yerlər uğrunda mübarizə aparıb. Belə bir komandanın üzvü olmaq qürurvericidir. Apasport.az-ın məlumatına görə, bu sözləri “Neftçi”nin yeni transferi Elvin Bədəlov klubun rəsmi saytına açıqlamasında deyib.
Paytaxt təmsilçisi ilə ilk məşqinə çıxan gənc müdafiəçi təəssüratlarını belə izah edib: “Bu gün “Neftçi”də ilk məşqə çıxdım və komanda yoldaşlarımla tanış oldum. Komandada əla ab-hava olduğunu gördüm, ilk məşqim olmasına baxmayaraq, artıq demək olar ki, hamısı ilə ünsiyyət qurmuşam. Burada milli komandadan dostlarım da var. Hər kəs də əsas heyətdə möhkəmlənməyə çalışır. Onlarla rəqabət aparmaq maraqlı olacaq. Çalışacam ki, məşqçilər heyətinin etimadını doğruldum”.
Qeyd edək ki, 19 yaşadək futbolçulardan ibarət Azərbaycan yığmasının da üzvü olan Bədəlov qış transfer pəncərəsində Rusiyanın “Zenit” klubundan “ağ-qaralar”a keçib.
Oxşar xəbərlər
Ana səhifə
Bütün xəbərlər