“Öz komandam barədə geniş danışmaq istəmirəm. “Qaradağ Lökbatan”ın oyununu qeyd etməliyəm. Komandanın heyətində yaxşı gənc oyunçular var”. Bu sözləri “Neftçi”nin baş məşqçisi Arif Əsədov deyib.

44 yaşlı mütəxəssis Azərbaycan kubokunun 1/8 final mərhələsinin “Qaradağ Lökbatan”la oyunundakı 3:0 hesablı qələbəyə qısa şərh verib. Onun rəqib komandadan olan həmkarı Adil Mahmudov isə “Neftçi”nin kubok qazanacağından danışıb: “Kubok oyununa köklənmək tam başqadır.  Biz bu oyuna yaxşı hazırlaşmışdıq. Rəqibimiz “Neftçi” Azərbaycan futbolunun flaqmanıdır. Onlara qarşı oynamaq bizim üçün şərəfdir. İnşallah, “Neftçi” bu il Azərbaycan kubokunu qazanar. Bizim isə qarşıda vacib oyunlarımız var və həmin oyunlara hazırlaşmalıyıq”.  
 

Mənbə: pfl.az

• “Göztəpə”dən gürcüstanlı qapıçısı ilə bağlı qərar - komandadan ayrı məşq edəcək
• Messi İspaniyada ikinci klubunu almağa hazırlaşır
• “Fənərbaxça” 2 ulduzundan məhrum olacaq – “Roma” ilə oyunu buraxacaqlar
• "Komo"dan nümunəvi addım: Xərçəng diaqnozu qoyulan futbolçusu ilə müqaviləni uzatdı
• "Beşiktaş"dan ayrıldı, Bolqarıstanda çıxış edəcək